ما هو خطاب التوصية للمنح الدراسية
خطاب التوصية او الترشيح او التزكية او حتي Recommendation letter ده بيكون رسالة من حد ليه مكانة كبيرة بيوصي عليك في المنحة ممكن تقول عليها حسن سير وسلوك ليك انت كطالب ودي بتبقي مهمة جدا لانها بتساعد جدا في عملية القبول لانها المفروض بتتضمن مهاراتك وانجازتك وتفوقك الدراسي وغيره من الصفات …..الخ وان انت افضل من غيرك من زملائك وتستحق مكانة اعلي وافضل عشان كدة هي مهمة جدا في المنحة
من الذي يكتب خطاب التوصية ؟
يفضل ان الذي يكتب خطاب التوصية يكون شخص اكاديمي في مجال الطالب الجامعي او المهني يعني مدرس لك في المدرسة او دكتور جامعي او رئيس لك في العمل اذا كنت تعمل او حصلت علي تدريب يعني اي شخص يكون بارز يقدر يكتب لك الخطاب علي المعايير والأسس المطلبة وبشكل سليم.
ما هي اللغة التي يكتب بها خطاب التوصية؟
خطاب التوصية تقدر تكتبه بأي لغة انت عايزها لكن يفضل اللغة الانجليزية دائما.
كم عدد خطابات التوصية ؟
مفيش عدد محدد لخطاب التوصية بس المهم انك متقلش عن خطابين توصية وكل ما كانت اكتر وأقوي كل ما كانت فرصتك في القبول أفضل.
هل يكتب الكمبيوتر ام بخط اليد ؟
الافضل انه يكتب علي الكمبيوتر وتطبعه ويمضي عليه الموصي ولو تقدر تختمه هيكون كويس جداً وأفضل وبعد كدة تعمله scan وترفعه لكن موضوع الكتابة بخط اليد ده مش كويس ومش محبذ خالص.
كيف يتم كتابة خطاب التوصية ؟
لا يوجد طريقة هي الاساسية في كتابة خطاب التوصية لكن في حاجات هي اللي مشهورة في كل الخطابات اللي بنشوفها زي مثلا يكون موجود لوجو المؤسسة اللي انت جاي منها الخطاب ده ويكون مكتوب طرق التواصل مع الي كتبلك الخطاب ويكون أفضل لو كاتب الإيميل الجامعي الخاص للموصي وكاتب الفترة اللي اتعرفتوا علي بعض فيها في النهاية اهم شئ ان الخطاب يوفي الغرض اللي هو معمول ليه ويتكلم عنك بالطريقة المناسبة اللي تليق بيك فعليا وتحسن صورتك ويكون في ابراز جيد لشخصيتك.
هل لازم الموصي هو اللي يكتب الخطاب ؟
مش شرط ان الموصي هو اللي يكتب الخطاب ممكن انت كطالب تكتبه والموصي يراجع عليه ويمضي ويكتب الايميل بتاعه ورقم موبايله ولو هو اللي هيكتبه ليك فسيبه ياخد وقته براحته عشان يطلعلك حاجة كويسة.
نماذج لخطابات التوصية ؟
دول لينكات فيهم نماذج كتير لخطابات التوصية عربي وانجليزي تقدر تعمل زيهم او تاخد منهم كلام.
1- اللينك الأول
المرجو عدم اظافة اي روابط مزعجدة في خانة التعليقات وشكرا